Производство: ТВ Сител - Скопје
Земја на потекло: Р. Македонија
Жанр: репортажа
Род: ТВ Продукција
Времетраење: 28 минути
Тип: Дигитална технологија
Звук: Да
Во боја: во боја
MM:
Година:
Содржина: Во овој телевизиски документарен филм се зборува за рудникот „Злетово“ и околниот регион. Според наратор во оф-тон, се вели дека во минатото, злетовскиот регион го треселе вулкани со своите ерупции, создавајќи огромни кратери од кои потекувала лава. Денес, длабоко под површината на земјата е мирно, а на површината карпи кои настанале во различни временски периоди, од различни вулкански активности.
Нараторот во оф-тон ги нагласува во детали хемиските состави на карпите, класификацијата, именувањата и нивниот изглед. Потоа, нарацијата е поделена на неколку меѓунаслови, кои објаснуваат за долгата историја на злетовскиот регион. На пример, на екранот се појавува: „Втор век од нашата ера“, а преку архивски материјали, музејски артефакти, документи и коментар на наратор во оф-тон, се заокружуваат темите во овие меѓунаслови.
Овој начин на раскажување за рудникот Злетово следи до крајот на овој телевизиски документарец. Нарацијата се протега од раните времиња, до Османлиското Царство, потоа Првата и Втората светска војна, Југословенскиот период, и состојбата во денешно време.
Во секвенците на крајот од документарниот филм, се прикажуваат и неколку исечоци од секојдневниот живот на рударите, проследени, исто така, со коментар на наратор во оф-тон.
Автори:
Наратор: Љубиша Ристевски