Биографија: (Велес, 20.11.1906 - Скопје, 21.07.1984) Етномузиколог, композитор, диригент, педагог и автор на филмска музика. Завршува Музичка школа во Белград, а во 1937 година се запишува на штотуку отворената белградска Музичка академија. Работи како диригент на Академското пејачко друштво и како раководител на Оркестарот при Домот на слепите во Земун. Во меѓувреме компонира со Јосип Славенски и Јуриј Арбатски. По ослободувањето се враќа во Скопје и работи како шеф на Отсекот за уметност во Одделението за култура, уметност и културни врски со други народи при АСНОМ, потоа станува шеф на отсекот за народна музика на Радио Скопје, уметнички раководител и еден од основачите на ансамблот „Танец“, шеф на Одделението за народна музика и кореографија при Фолклорниот институт на Македонија, а подоцна и негов директор. Фирфов бил и дописен член на Меѓународното фолклорно друштво на ИФЦМ во Лондон и почесен претседател на секторот за балкански игри при Меѓународното друштво за народни игри во Лондон. По доаѓањето во Скопје, работи и на филмска музика, а негов прв филм во којшто се јавува како автор на музика е документарецот 11 ОКТОМВРИ (1949). За својата богата музичка активност има добиено повеќе награди и признанија, меѓу кои и почесен докторат на Географското здружение од Колумбија, САД, во 1955 година.
Филмови: 1955 ГАЛИЧКА СВАДБА, музичка редакција, документарен, Вардар филм
Филмографија:
1949:
11 Октомври
(
Музика,
)
1950:
Недела на националната култура
(
Музика,
)
1950:
По долината на Вардар
(
Музика,
)
1953:
Миравска свадба
(
Музика,
)
1955:
Ритам и звук
(
Музика,
)
1955:
Стара чаршија
(
Музика,
)
1956:
Човеку, не уништувај ме
(
Музика,
)
1962:
Бараме леб
(
Музика,
)